திருச்சி மாவட்டம் எலமனூர் கிராம மக்களின் பரபரப்பு: கருங்கல்லில் நின்ற பாலம் சரிவின் விளிம்பில்…..

திருச்சி மாவட்டம் எலமனூர் கிராம மக்களின் பரபரப்பு: கருங்கல்லில் நின்ற பாலம் சரிவின் விளிம்பில்……

திருச்சி மாவட்டம் ஸ்ரீரங்கம் தாலுகா திருப்பராய்த்துறை ஊராட்சிக்குட்பட்ட எலமனூர் கிராமத்துக்குச் செல்ல ஒரே ஒரு பாதை மட்டுமே உள்ளது. அந்த பாதையில் அமைந்துள்ள பழைய பாலம் தற்போது எப்பொழுதும் இடிந்து விழக்கூடிய அபாய நிலையில் உள்ளதாக கிராம மக்கள் தெரிவித்துள்ளனர்.

இந்தப் பாலம் வழியாகவே பள்ளிக்குச் செல்லும் மாணவர்கள், வேலைக்குச் செல்லும் பொதுமக்கள், அவசர காலங்களில் செல்லும் ஆம்புலன்ஸ் உள்ளிட்ட அனைவரும் பயணம் செய்கிற நிலையில், பாலத்தின் மோசமான தரம் மக்கள் மத்தியில் பெரும் அச்சத்தை ஏற்படுத்தியுள்ளது.

 இதுவரை எந்த நடவடிக்கையும் எடுக்கப்படவில்லை என்று அவர்கள் குற்றம் சாட்டுகின்றனர். “நமது கிராமத்திற்கு இந்தப் பாதைதான் உயிர் நடப்பு. இந்தப் பாலம் விழுந்தால் எங்களுடைய வாழ்வாதாரம் முடங்கிப் போகும். மக்கள் பிரதிநிதிகள் இதைப் பற்றி எப்போது கவனிப்பார்கள்?” என கிராம மக்கள் கேள்வி எழுப்பியுள்ளனர்.

பாதுகாப்பு காரணங்களுக்காக உடனடி ஆய்வு மேற்கொண்டு புதிய பாலம் கட்டப்பட வேண்டியது அவசியமாக இருப்பதாக மக்கள் வலியுறுத்துகின்றனர்.

அதிகாரிகள் உடனடி நடவடிக்கை எடுக்க கிராம மக்கள் எதிர்பார்த்துக் காத்திருக்கின்றனர்.