ஜனவரி 1ம் தேதி முதல் இந்தியாவில் தாங்கள் விற்பனை செய்து வரும் கார்களின் விலையை உயர்த்தவிருப்பதாக அறிவித்துள்ளது
ஜனவரி 1ம் தேதி முதல் இந்தக் கார் மாடல்களின் விலையை 3% வரை உயர்த்தவிருப்பதாக அறிவித்துள்ளது. மூலப் பொருட்கள் விலை உயர்வு உள்ளிட்ட பல்வேறு காரணங்களினால் கார் மாடல்களின் விலையை உயர்த்துகிறது அந்நிறுவனம். நிஸானைத் தவிர்த்து, மெர்சிடீஸ் பென்ஸ், எம்ஜி மோட்டார் ஆகிய கார் தயாரிப்பு நிறுவனங்களும், BMW மோட்டார்ரேடு மற்றும் ஏத்தர் எனர்ஜி ஆகிய இருசக்கர வாகன தயாரிப்பு நிறுவனங்களும் ஜனவரி 1 முதல் விலைகளை உயர்த்தவிருப்பதாக அறிவித்துள்ளன.
சில மாதங்களுக்கு முன்பு இந்தியாவில் ஜிஎஸ்டி வரி விதிப்பு முறையை மறுசீரமைப்பு செய்தது மத்திய அரசு. அப்போது மேக்னைட் சப்-காம்பேக்ட் எஸ்யூவியின் விலையை ரூ.52,000 முதல் ரூ.1 லட்சம் வரை குறைத்தது நிஸான். அதனைத் தொடர்ந்து தற்போது இந்த விலை உயர்வு அறிவிப்பு வெளியாகியுள்ளது. ஜனவரி மாதம் முதல் மேக்னைட் மாடலின் விலை ரூ.17,000 முதல் ரூ.32,000 வரை உயரலாம் என எதிர்பார்க்கப்படுகிறது. தற்போது இந்த எஸ்யூவி மாடலை ரூ.5.62 லட்சம் முதல் ரூ.10.76 லட்சம் வரையிலான எக்ஸ்-ஷோரூம் விலையில் விற்பனை செய்து வருகிறது நிஸான்.
இந்தியாவில் விரைவில் புதிய கார் மாடல்களை வெளியிடவுள்ளது நிஸான். 2026ம் ஆண்டு கிராவைட் மற்றும் டெக்டான் ஆகிய இரண்டு புதிய கார்களை வெளியிடவுள்ளது நிஸான். தொடர்ந்து 2027லும் புதிய எஸ்யூவி மாடல் ஒன்றை அந்நிறுவனம் வெளியிடவிருப்பதாக அறிவித்துள்ளது. கிராவைட் மாடலானது ரெனோ டிரைபரை அடிப்படையாகக் கொண்ட சப்-காம்பேக்ட் எம்பிவியாவும், டெக்டான் மாடலானது, அடுத்து இந்தியாவில் வெளியாகவிருக்கும் ரெனோ டஸ்டரை அடிப்படையாகக் கொண்ட மிட்-சைஸ் எஸ்யூவியாகவும் வெளியாகவுள்ளது.
