026-ம் ஆண்டு நடைபெறவுள்ள சட்டமன்ற தேர்தலை கருத்தில் கொண்டு, தமிழக அரசு இம்முறை பொங்கல் பரிசை மிகவும் பிரம்மாண்டமாக வழங்க திட்டமிட்டுள்ளதாக தகவல்கள் தெரிவிக்கின்றன.
பொங்கல் பரிசு தொகுப்புடன் கூடிய ரொக்க பணம்: தேர்தல் ஆண்டு என்பதால், இம்முறை நிச்சயம் ரொக்கப் பணம் வழங்கப்படும் என எதிர்பார்க்கப்படுகிறது. கடந்த காலங்களில் அதிமுக ஆட்சியில் ரூ.2,500 வரை வழங்கப்பட்டது. எனவே, இம்முறை திமுக அரசு அதனையொட்டியோ அல்லது கூடுதலாகவோ (ரூ.2,000 முதல் ரூ.3,000 வரை) வழங்க வாய்ப்புள்ளது. சமூக வலைதளங்களில் ரூ.5,000 வரை கிடைக்கலாம் என பரவும் தகவல்களில் இன்னும் அதிகாரப்பூர்வ உறுதிப்படுத்தல் இல்லை என்றாலும், கணிசமான தொகை நிச்சயம் என்கிறார்கள் அதிகாரிகள்.
மகளிர் உரிமைத் தொகை: குடும்ப தலைவிகளுக்கு மாதம் ரூ.1,000 வழங்கும் ‘கலைஞர் மகளிர் உரிமைத் தொகை’ திட்டம் வெற்றிகரமாக செயல்பட்டு வருகிறது. வரும் தைப் பொங்கல் மாதத்தில் (ஜனவரி), இந்த உரிமை தொகையுடன் சேர்த்து பொங்கல் போனஸும் கையில் கிடைக்கும் என்பதால், குடும்ப தலைவிகளுக்கு இது இரட்டிப்பு மகிழ்ச்சியாக அமையவுள்ளது.
பொங்கல் பரிசு வழங்குவது குறித்து முதல்வர் மு.க. ஸ்டாலின் தலைமையில் டிசம்பர் இரண்டாவது வாரத்தில் ஆலோசனைக் கூட்டம் நடைபெறவுள்ளது. இந்தக் கூட்டத்தைத் தொடர்ந்து, வழங்கப்படும் தொகையின் அளவு மற்றும் விநியோகம் தொடங்கும் தேதி குறித்த அதிகாரப்பூர்வ அறிவிப்பு வெளியிடப்படும் என்று எதிர்பார்க்கப்படுகிறது. பொங்கல் பரிசுக்கான டோக்கன் விநியோகம் டிசம்பர் இறுதி வாரத்திலோ அல்லது ஜனவரி முதல் வாரத்திலோ தொடங்கலாம். மொத்தத்தில், வரவிருக்கும் சட்டமன்றத் தேர்தலை முன்னிட்டு வரவுள்ள இந்தப் பொங்கல் பண்டிகை, தமிழக ரேஷன் அட்டைதாரர்களுக்கு, குறிப்பாகக் குடும்பத் தலைவிகளுக்குப் பணமழையாகப் பொழியப் போகிறது என்பதில் எந்த சந்தேகமும் இல்லை.
